ප්‍රභාසංස්ලේෂණය
Posts
වගා කටයුතු සඳහා ලොම් පස හිතකර වන්නේ ඇයි?
ශාකයක් නිරෝගීව වර්ධනය වීම සඳහා පාංශු ජලය හා පාංශු වාතය වැදගත් වේ. ලොම්පසෙහි පාංශු ජලය හා පාංශු වාතය ප්‍රශස්ත මට්ටමක පවතින නිසා ශාක සරුවට වැඩේ.
පෙළ සිටුවීමේදී කොළ කපා සිටුවන්නේ ඇයි?
ශාක පත්‍ර හරහා ජලය වාෂ්ප ලෙස පිට වීම උත්ස්වේදනය ලෙස හැන්දින්වේ. දිවා කාලයේදී ශාක පත්‍ර වලින් උත්ස්දවේදනයෙන් ජලය පිටවන නිසා අලුතින් සිටවන පල පහසුවෙන් මලානික වී මිය යාමට පුළුවන්. එය වලක්වා ගැනීම සඳහා කොළ කිහිපයක් කැප පල සිටුවනු ලැබේ.
ලෝහ මූඩි ගැලවීම පහසු වීමට මූඩිය රත් කරන්නේ ඇයි?
රත් කරන විට ද්‍රව්‍ය ප්‍රසාරණය වේ. ලෝහ මූඩිය රත් කරන විට මූඩිය ඉක්මනින් රත්වී ප්‍රසරණය වීම නිසා පහසුවෙන් විවර වේ.
නිවාස තුල ඇති විසිතුරු ශාක රාත්‍රියේදී ඉවත් කරන්නේ ඇයි?
දිවා කාලයේදී ශාක ප්‍රභාසංස්ලේෂණය හා ස්වසනය සිදු කලද හරිත ශාක රාත්‍රියේදී ස්වසනය පමණක්ක සිදු කරයි.එම නිසා රාත්‍රියේදී ශාක කාබන්යෝඩයොක්සයිඩ් වායුව පිට කරන අතර ඔක්සිජන් වායුව අවශෝෂණය කර ගනී. එම නිසා නිදන කාමර වල රාත්‍රියේදී විසිතුරු ශාක නොතැබිය යුතුය.
ආහාර කල් තබා ගැනීමට වියලන්නේ ඇයි?
ක්ෂුද්‍ර ජීවීන්ට හොඳින් ක්‍රියා කිරීම සඳහා තෙතමනය අවශ්‍ය වේ. එම නිසා ආහාර නරක් වීමට තෙතමනය බලපායි. තෙතමනය ඉවත් කිරීමෙන් කොස්, දෙල්, මාළු, මිරිස් වැනි ආහාර කල තබා ගත හැකිය.